Cadea de favores

 A dinámica desta actividade que fixemos na titoría de 4º D foi moi sinxela pero moi potente.

Unha vez que o grupo sabía que iamos iniciar unha Cadea de Favores Conscientes cada persoa tiña que elixir a outra e facerlle un "favor" real no día a día: desde axudar a recoller os materiais a última hora, ata prestar uns apuntamentos limpos, ou simplemente achegarse a alguén que adoita estar máis só e escoitalo. 

O primeiro paso foi cos compañeiros da aula e o segundo con persoas que non pertencesen ao ámbito educativo. Dimos un tempo dunha semana e puxemos en común as nosas experiencias axudándonos.

Ver o resultado no grupo foi emocionante. Ao principio houbo algun sorriso de vergoña, pero o máis bonito foi ver ao alumando asumir o rol establecido de forma activa e visible. Ao verbalizar e visibilizar eses favores, desmontamos a idea de que a empatía ou a axuda son "cousas de rapazas" e que á algo no que debemos participar todos e todas. Demostrámonos que a corresponsabilidade empeza nos pequenos xestos do día a día.